無聊地試下機頭係咪咁易拆，發覺跟 "
鬼佬方式"，由冷氣風口上入手好難撬同睇位無咁準，反而跟 "
祖國方法" 由冷氣風口下入手就簡易得多。
早前日本買既拆音響工具送咗畀人，要用支唔太合格工具黎開，但都好易，因都係扁平頭插得入，細細力向上撬一下，聽到個栒扣位 "卡" 一聲就應聲撬起，兩邊撬起後就用手從上邊邊位向下推將個風口位滑出，再係前面用另一隻手向前拉就得，比想像中易，算係無難度。
分享少少心得，首先要知道膠件質料，冷氣風口位為硬膠質料，側邊 dashboard 面板為軟膠質料，據目擊者師父教話拆車攏膠件時要先了解膠件質料性質，儘量由較受力既硬身邊位入手，有些軟身膠件用工具撬時好容易會留低明顯撬過既痕跡或凹痕，呢啲位要用陰力同用手輔助，一定唔可全程靠晒支膠批。另要小心工具有機會跣手而刮花膠件，保險啲就用膠紙或薄身布包住工具頭先插入去撬，一句講晒，慢工出細貨，小心駛得萬年船。
冷氣風口位
先向大約栒扣位置插入再輕輕向上撬一下，聽到 "卡" 一聲就可抽出工具
栒扣位已撬起
用手由上邊邊位向下推將個風口位滑出，再向前拉就得，唔好太大力拉，因背後仲有條死火燈接線連住
冷氣風口背後個栒扣
拆機頭
拆機就只要鬆 2 粒螺絲，用手向前拉就成部機慢慢滑到出黎，建議事前搵野遮住支波棍以免機底會刮花棍頭。
撬 2 下，鬆 2 粒螺絲就攪掂
泰國製造
總共 3 個插，大插頭黑色單線應係 iPod Adapter 線
